जेठ ३, काठमाडौँ । क्रिकेटर सन्दीप लामिछानेको मुद्दामा उच्च अदालतले फैसला सुनाएपछि गौशाला २६ कि कानुनी अधिवक्ता मोहना अन्सारीले सामाजिक सन्जाल एक्समा असन्तुष्टि व्यक्ति गरेकी छन् ।
राष्ट्रिय मानवअधिकार आयोगकी पूर्वसदस्यसमेत रहेकी अधिवक्ता अन्सारीले गौशाला २६ माथि जबरजस्ती करणीको मुद्दा नसकिएको दाबी गर्दै फैसला आएको थाहै नपाएको भन्दै टिप्पणी गरेकी हुन् ।
उच्च अदालतले दुई दिन लामो बहसपछि हिजो फैसला सुनाएको थियो । फैसला लिखित रुपमा उपलब्ध नगराइएको भन्दै गौशाला २६ का वकिलहरु असन्तुष्ट छन् । यद्यपि, अदालतले आरोपीलाई सफाइ दिइएको अवस्थामा लिखित आदेश नगरीकन सिधै वेबसाइटमा निर्णय लेख्ने अभ्यास छ ।
यस्तो छ उनको ट्विट:
‘नाबालिका जबरजस्ती करणीको मुद्दा सकिएको छैन, तर निज बालिकाको फोटो राखेर सभ्यताका नायकहरूले फैसला नै गरिसकेका छन् । फैसला नै सार्वजनिक भैसकेको हामी कसैलाई थाहा जानकारी छैन तर टिभी च्यानल र यूट्यूबरहरुले फैसला सुनाई सके अहिले तँछाडमछाड गर्दै उफ्रिँदै छन्। राज्य नै जब पीडितको संरक्षक हुँदैन भने को बाट आस गरिन्छ । सबै राज्यका निकाय मौन छन् ।’
यस बिषयमा तपाइको प्रतिक्रिया...!