पर्वत । केन्द्रको विषयलाई लिएर आन्दोलित बनेका जलजला गाउँपालिका अन्तरगतका ६ गाउँ विकास समितिका बासिन्दाहरुको आन्दोलनमा राजनीतिक दलहरुले एक्केबद्धता जनाएका छन ।
जिल्लाका शिर्ष राजनीतिक दलहरुले धाईरीङ, शालीजा, नाग्लीवाङ ,बनौ खोलाखेत फटके ढुङ्गलगायत क्षेत्रका बासिन्दालाई अपायक पर्ने क्षेत्रमा केन्द्र राखिएकोमा आफूहरु पनि दुखि भएको भन्दै नैतिक सर्मथन गरेका हुन् ।
हजारौको संख्यामा केन्द्र परिर्वतनको माग गर्दै हप्ता दिन देखि निरन्तर आन्दोलरत उक्त क्षेत्रका बासिन्दाहरुलाई समर्थन जनाउदै राजनीतिक दलहरुले विरोध सभामा बोलेका थिए ।
तोएिको मल्लाज माझफाँटको केन्द्र अमान्य भन्दै आन्दोलनमा होमिएका बासिन्दाहरुलाई राजनीतिक दलहरुले समर्थन जनाउदै आफूले सक्दो पहल गर्ने बताए । केन्द्रको विषयमा जिल्लामा भएको भेलालले धाइरिङ वा विकल्पमा माझफाँट कायम हुने भन्ने शर्तमा तत्तकालीन अबस्थामा खाका तयार गरेर माथि पठाएता पनि वा भन्ने अर्थलाई माझफाँट पनि मान्ने भन्ने शर्त बनाएर सोही अनुसार केन्द्र निर्धारण गरिएको राजनीतिक दलहरुले बताए ।
विरोध सभामा बोल्ने जिल्लाका राजनीतिक दलहरुले केन्द्रको विषयमा आएको विवाद टुंगो लगाउनको लागि आवश्यक कदम चाल्ने पनि बताए । आजको सहारान्यूजमा खबर छ ।
विरोध सभामा नेपाली काँग्रेसका क्षेत्रीय सभापति गंगाधर पौडेल, नेकपा एमालेका जिल्ला उपाध्यक्ष भक्त कुवँर, माओवादी केन्द्रका केन्द्रिय सदस्य ढाकाराम गौतम, राप्रपाका इश्वर पौडेल, नेकपाका धौलागिरी इन्चार्ज बैकुण्ठ गिरी, नयाँ शक्तिका मिनराज केसी, जनमुक्ति पार्टीकी अध्यक्ष थममाया पुनले विरोध सभालाई सम्बोधन गर्दै एक्केबद्धता जनाएका हुन् ।
स्थानीय तह कार्यन्वयन भएसँगै आन्दोलरत भएका स्थानीय बासीले मल्लाजमा राखिएको केन्द्र अपायक भएको र सो भन्दा सदरमुकामनै नजिक पर्ने बताएका छन् । उनीहरुले केन्द्र जिपिआरएस अनुसार वा सवैको साझा थलोका रुपमा मिलनचोकमानै केन्द्र कायम गरे सवैको पायक हुने बताउँदै आएका छन् ।
आन्दोलनकारीले राष्ट्रिय पुर्नसंरचना आयोजकका अध्यक्ष बालानन्द पौडेलको पुत्ला दोहनसहित कालो झण्डा देखाएर विरोध प्रदर्शन गरिरहेका छन् । आन्दोनकारीले केन्द्र पायक पर्ने क्षेत्रका नसारिए आफूहरु कुनै पनि तह र निकायको चुनावमा भाग नलिने र चुनावको बहिष्कार गर्ने चेतावनी दिएका छन् ।
यस बिषयमा तपाइको प्रतिक्रिया...!